Аюулгүйн заавар

Цанын баазаар үйлчлүүлэгчдийн аюулгүйн нийтлэг заавар:
  • Үйлчлүүлэгч нь кассаас тасалбарын хамт аюулгүйн зааврыг авч заавал уншиж танилцсан байна.
  • Үйлчлүүлэгч нь цанын хурдыг тохируулж, бусад цаначин ба обьекттой мөргөлдөхөөс зайлс хийнэ.
  • Үйлчлүүлэгч нь цанын зам руу орохдоо өмнөх хүндээ зам тавьж өгнө.
  • Хэрэв замын голд хөдөлгөөнөө зогсоовол, замын хажуу талд гарч бусад үйлчлүүлэгчдэд зам тавьж өгнө.
  • Үйлчлүүлэгчид нь бүх "Анхааруулах самбар"-ыг харах бөгөөд хориг тавьсан газар орохыг хориглоно.
  • "Цанын эргүүл"-ийн зөвлөгөөг тэр даруйд нь биелүүлэх үүрэгтэй.
  • Бусад цаначдыг санаатайгаар мөргөхгүй байх.
  • Цанаар гулгаж буй үйлчлүүлэгч нь урдаа гулгаж буй цаначныг тойрч гарах үүрэгтэй.
  • Үйлчлүүлэгч нь спиртийн төрлийн зүйл хэрэглэн согтуурсан байдалтайгаар цанаар гулгахыг хориглоно.
  • Замын голд суух болон хэвтэх үйлдлийг хориглоно.
  • Цанаар гулгах үедээ гар утас ашиглахыг хориглоно.
  • Ил задгай бие засах, тамхи татахыг хатуу хориглох бөгөөд тамхийг зөвхөн зөвшөөрөгдсөн цэгт татна.
  • Цанын зам дээр ажлаа хийж буй ажилтан, техник хэрэгслийг тойрч гарна.
  • Үйлчлүүлэгч нь ямар нэгэн осол болсон үед цанын эргүүл болон лифтний ажилчдад мэдэгдэнэ.
  • Үйлчлүүлэгч нь өөрийн болон бусдын аюулгүй байдлыг хангах үүднээс аюултайгаар гулгаж байгаа цаначдыг цанын эргүүл болон лифтний ажилчдад мэдэгдэнэ.
  • Үйлчлүүлэгч та аюулгүйн дүрэм зааврыг зайлшгүй мөрдөх шаардлагатай ба өөрийн анхаарал болгоомжгүйгээс ямар нэг осолд өртвөл манай компани хариуцахгүй болохыг анхаарна уу.
Цанын эргүүл:
  • "Скай Резорт" цанын баазын "Цанын эргүүл" нь аюулгүй байдлыг хангаж, бэртсэн хүнийг "Эмнэлгийн анхан шатны тусламжийн төв" рүү хүргэх үйлчилгээг үзүүлнэ.
  • Цанын эргүүл нь бусад цанаар гулгагчдад саад, аюул учруулж болзошгүй байгаа гулгагчид хандан анхааруулга өгч, шаардлагатай тохиолдолд замаас гарахыг шаардана.
  • Цанын эргүүл нь аюултайгаар гулгаж байгаа гулгагчид аюулыг тайлбарлаж, эхний удаа тасалбар дээр улаанаар тамга дарж анхааруулга өгнө. /2-оос дээш улаан тамгатай тасалбарыг хүчингүйд тооцох болно./
  • Цанын эргүүлийн шийдвэр нь эцсийн шийдвэр болно.
  • Цанын баазаар үйлчлүүлж байгаа үйлчлүүлэгчдийн баримтлах "Аюулгүйн заавар"-ыг холбогдох газруудад нь байрлуулсан болно.
Лифтэнд аюулгүй, зөв суух арга:
  • Хүлээх цэгээс лифтний операторын зааврын дагуу хөндлөн буцаж ирж буй лифтний хойноос даган зорчих цэг хүртэл явна уу.
  • Хоёр таягийг барин хүлээсний дараа буцаад ирж буй лифтний сандлыг барин түргэхэн сууна уу.
  • Суусны дараа аюулгүйн түшлэгийг буулган сандлаа бүү хөдөлгөөрэй.
  • Буух цэгтээ ойртохдоо таягаа хоёр гартаа барин буухдаа бэлдэнэ үү.
  • Доош буух цэгт очоод хурдан босож доош бууна уу.
  • Шаардлагатай бол ажилтнаас тусламж хүснэ үү.
Чарганы замын аюулгүйн заавар:
  • Зөвхөн 7-аас дээш насныханд үйлчлэх ба түүнээс доош насныхан харгалзагч хүнгүйгээр чарганд суухгүй байхыг анхаарна уу.
  • 50-аас дээш насны үйлчлүүлэгч чарганд суухгүй байхыг анхаарна уу.
  • Нуруу ба зүрхний өвчтэй, даралт өндөртэй, согтууруулах ундаа хэрэглэсэн ба жирэмсэн хүн зэрэг нь чарганд суухгүй байхыг анхаарна уу.
  • Үйлчлүүлэгч та тогтоосон зам ба стандартын чаргыг ашиглана уу.
  • Эрхэм үйлчлүүлэгч та, хазгай газар аюултай гэдгийг хүлээн зөвшөөрч өөрийн аюулгүй байдалд анхаарлаа хандуулна уу.
  • Явц дунд үйлдлийг зогсоох боломжгүй тул дээрхи анхааруулгыг сайтар тунгааж үзнэ үү.
  • Үйлчлүүлэгч та аюулгүйн дүрэм зааврыг зайлшгүй мөрдөх шаардлагатай ба өөрийн анхаарал болгоомжгүйгээс ямар нэг осолд өртвөл манай компани хариуцахгүй болохыг анхаарна уу.
Сноубоардын аюулгүйн заавар:
  • Замын голд суух болон хэвтэх үйлдэлийг хориглоно.
  • Сноубоардын аюулгүйн хамгаалалтуудыг заавал хэрэглэх.
  • Амрах үедээ сноубоардаа тайлсан тохиолдолд түгжээг нь газарт хүргэхгүй байх.